ఏపీ ఎన్నార్టీఎస్ తో  ఇంటర్మీడియెట్ బోర్డు ఒప్పందం
 రాష్ట్రంలోని ఇంటర్మీడియెట్ కాలేజీలలోని విద్యార్థులు, లెక్చరర్లకు వ్యక్తిత్వ వికాసం, నైపుణ్యాభివృద్ధి కోసం ఏపీ ప్రవాసాంధ్రుల సంఘం (ఏపీఎన్నార్టీఎస్)తో అవగాహన ఒప్పందం కుదుర్చుకున్నట్లు ఇంటర్మీడియెట్ బోర్డు మంగళవారం ఒక ప్రకటనలో తెలిపింది. ఈ ఒప్పందం ప్రకారం విద్యార్థులు,లెక్చరర్లకు ఎన్ఆర్ఐ  డాక్టర్లు, వర్చువల్ విధానంలో శిక్షణ ఇస్తారని పేర్కొంది. నైపుణ్యాల పెంపుతో పాటు పరీక్ష సమయంలో విద్యార్థులు ఒత్తిడిని అధిగమించడానికి నిపుణులు శిక్షణ ఇస్తారని తెలిపింది. ఈ శిక్షణ ఒక్కో కాలేజీ నుంచి ఇద్దరు చొప్పున 6,800 మందికి ఇవ్వనున్నట్లు పేర్కొంది.